ماں کے ہاتھوں ذبح ہونے والے 3 بچوں میں سے ایک جاں بحق، 2 کی حالت بہتر، ماں تاحال بے ہوش

ڈاکٹرز کیا کہتے ہیں

ایوب میڈیکل کمپلکیس کے ڈپٹی ڈائریکٹر ڈاکٹر فضل مناں سلار زئی نے بتایا کہ جب یہ بچے ایمرجنسی میں پہنچے تو چند منٹوں ہی میں بچوں کو آپریشن تھیڑ میں پہنچایا گیا تھا جہاں پر تین قسم کے مختلف سرجنز جن میں، ڈاکٹر دانش، ڈاکٹر بشیر اور ڈاکٹر میسم علی کی ٹیم کو بلایا گیا جنھوں نے فورا دونوں بچوں کے انتہائی نازک آپریشن کیے جس میں ان کی رگوں کو جوڑنے کے علاوہ ہوا کی نالی کو جوڑا گیا تھا۔

ان کا کہنا تھا کہ یہ بہت نازک آپریشن تھا اور تقریبا دو گھنٹے لگے تھے۔ اس دوران ہسپتال میں خون وغیرہ بھی فراہم کیا گیا جس کے بعد دونوں بچے کو آئی سی یو وارڈ میں رکھا گیا ہے جہاں پر ڈکٹروں کی خصوصی ٹیم نگرانی کررہی ہے۔

ان کا کہنا تھا کہ بچوں کی حالت خطرے سے باہر ہے۔

ڈاکٹر فضل مناں سلار زئی کا کہنا تھا کہ ماں اس وقت بے ہوشی کی حالت میں ہے اس کا علاج جاری ہے۔ اس کے گلے پر رسی کے کوئی نشانات بھی ہیں۔ ڈاکٹروں کے مطابق اس نے کوئی زہریلی دوا بھی کھائی ہے۔

نواں شہر ایبٹ آباد سے بتایا گیا ہے کہ تین چار ماہ قبل بچوں کی ماں کو ٹائیفائیڈ ہوا اور خاوند کے ہمراہ والدین کے ہاں آ گئی تھی لیکن اس کے بعد وہ ذہنی امراض کا شکار ہوگئی۔

گیلامن وزیر کے قتل کا مقدمہ پی ٹی آئی رہنماوں کیخلاف مقدمہ درج

اس وقت ڈاکٹروں کی ایک ٹیم نے خاتون کو اپنی نگرانی میں رکھا ہوا ہے۔

ایبٹ آباد میں عوام کی بڑی تعداد ہسپتال پہنچ رہی ہے۔ لوگ ہر طرف اس واقعہ کا ذکر کر رہے ہیں۔