بلوچستان کے علاقے بولان میں مسافر ٹرین ہائی جیک کے بعد جنوبی وزیرستان میں دہشتگردوں نے پاک فوج کی پوسٹ پرحملہ کیا جسے ناکام بنادیا گیا ہے۔
سیکیورٹی ذرائع کے مطابق دہشتگردوں کی جانب سے پاک فوج کی چیک پوسٹ پر جنوبی وزیرستان کے علاقے جنڈولہ میں حملہ کیا گیا۔
ذرائع کا بتایا کہ گاڑی میں موجود خودکش بمبار نے ایف سی کیمپ کے قریب خود کو اڑا لیا جس کے بعد دیگر دہشتگردوں نے حملہ کیا۔
سیکیورٹی ذرائع کا کہنا تھا کہ پاک فوج کے جوانوں نے خوارج کا حملہ ناکام بناتے ہوئے 8 سے 9 دہشت گردوں کو ہلاک کردیا۔